LÍNT / SEVEN IMPALE
20:00
FRI ALDERSGRENSE
GRATIS INNGANG
LÍNT
Post/støyrock.
Línt spelar eksperimentell postrock med gitarbaserte melodiar, ofte lange og instrumentelle. Dynamiske kontrastar karakteriserer låtane, som inneheld både symfoniske, avantgardistiske og støyete element. Komposisjonane strekk frå det enkle og nakne til det massive og komplekse. Alt pakkast inn i draumande og suggerande komposisjonar som byggjer seg opp til mektige lydlandskap.
Konserten blir den første offentlege under nytt namn – bandet er tidlegare kjent som Johnny Kampus and the Super Happy fun fun Family!.
SEVEN IMPALE
Det progressive jazzrock-bandet Seven Impale består av ein besetning med bakgrunn frå både klassisk, rytmisk og elektronisk musikk. Ein slik samansetning resulterer i stor variasjon i rytmikk, tonalitet og dynamikk, og ein ser tydeleg inspirasjon frå band som Jaga Jazzist, Shining og Motorpsycho. I same grad som Seven Impale er framtidsretta er også 70-talet sine storheiter som King Crimson, Soft Machine og Deep Purple sterkt representert i lydbiletet. Seven Impale stakk nyleg av med sigeren på Rock 12-24 i Åsane, og det travle bandet spelar denne veka heile 3 konsertar på 6 dagar.
Konserten er støtta av Bergen Kommune