Borealis 2005 blir eit vekelangt skjeggete syttiårsselskap. Ei feiring av eksperimentell lyd, samtidsmusikk og navigasjon. I fokus står ein syttiårig legende frå San Francisco – Terry Riley. Han starta minimalismen i 1964 og vart difor gudfar for ein heil generasjon komponistar.
På Landmark skal bollywood feirast elektrisk og ei rekke filmar synast fram: eksperimentelle hardingfelefilmar, sufifilmar, beatfilmar, Einar Økland/Paal Helge Haugen sin indiske lysbiletefilm frå 1968, valdresvibrasjonar med munnharper og langeleikar; storbandelektronika frå kontinentet; roleg og hektisk cellotronikk; indiske sitaristforedrag om ørknar og lyd, møte med Terry Riley, progrock-sjamanisme med Ricardo (byens mest ihuga progrockfan), Verdas lengste elastiske versjon av Beethovens niande, Radio Røynda sitt Fartein Valen-program og ei rekke beat-inspirerte opplesingar. Meir om Borealis på www.borealisfestival.no.
Nicholas H. Møllerhaug